![](https://ilchi.info/wp-content/uploads/2020/06/grthyhyuyjuyiu.jpg)
[dropcap]В[/dropcap]ихьуллал шяраву буссар минаралущалсса ччянива бувсса мизит. Га цуппагу цила чIумал, СССР дуний, ишла буллай буссия кинорду, пьесарду ккаккан байсса клубну, школалул спортзалну.
Махъ му, шяраваллил инсантурал, шагьрурдай ялапар хъанахъисса Вихьуллал чумартсса ишбажаранчитурал кумаграйну, бакьин бувна, дирхьуну магъи, рирщуну пол, дурну цIусса нузру ва цаймигу давуртту.
Махъ ппурттуву, шяраву яхъанахъисса бугьарасса инсантал чан хьуну, мизитравун лагаймигу жагьилтал бур. Учай мизитрал минаралия чIун-чIумуй акбаргу. Зий ур шикку Дагъусттаннал Муфтиятрал гьан увсса имамгу. ХIасил, зий бур Вихьуллал мизит.
Утти Вихьлиятусса БарцIулавхъал тухумраясса МахIаммадов Аьли Кьурбаннул арснал шяравунсса ххуллул урчIа чулух буллан ивкIунни цIусса мизит. Ванил гьанурду дукIува бувссия. Уттигъанну Дахадаевуллал райондалиясса ряха пишакарнал дуллан бивкIунни чIиртталми давурттугу. Вайнна Вихьуллал шяраву цIусса мизит буллалисса пишакартурал цIарду: Сулайманов ОьмархIажи, Сулайманов Шамил, Сулайманов Аьвдулжалил, Исмяилов Рамазан, Муртазялиев Арип, ХIасанов Шамил.
ДуллалимуницIун Аллагьналгу кабавкьуну, умуд бур ва даву щаллу хьунссар тIисса.
ХIажимурад ХIусайн