Вай гьантрай «Дагестанавтодор» идаралул зузалтращал кIул унни цIусса каялувчи, лаккучу Рамазан Кьурбанов – технический элмурдал кандидат, Дагъусттан Республикалул лайкь хьусса строитель. Ванал къуртал бувну бур кIива вуз.

«Рамазан Кьурбановлул бивтун бур профессиональнал ххуллу, инженернал кумагчиная тIайла хьуну, хъуннасса компаниялул каялувчинайн ияннин. Ва мукуна дарсру дихьлай ур Дагъусттаннал паччахIлугърал технический университетраву. Ванал опытрая ва квалификациялия хъунмасса кумаг хьунтIий бур республикалул ххуллул хозяйствалул лябуккулун», – увкунни республикалул транспортрал министрнал чIумуйсса кIанайма Жамбулат ХIажиевлул.
Барча буллай буру Рамазаннухь цIусса къуллугъ!

«Илчи» кказитрал редакция