Уттигъанну Грозналий хьусса боксрал Национал студентътурал лигалул щалагу Аьрасатнал юниортурал дянивсса бяст-ччаллаву Дагъусттаннал боксрал цачIундур командалул цалчинмур кIану бувгьунни.
Муния бувсунни региондалул Спортрал министерствалул прессалул къуллугърал. Аьрасатнал лайкь хьусса тренер ХIамзат Жабраиловлул аьпалун хас дурсса турнирданий гьуртту хьунни 150 спортсмен. Ми буклай бия 13 даражалул чурххал кIушиврий. Дагъусттаннал цачIундур командалува турнирданул чемпионтал хьунни: Сяид Шихабуттинов, Аьлибаг Даудов, Аьбидулла АьбдуллатIипов, ХIажимурад Гераев, Ражаб МахIаммадаьлиев ва Салават ХIажиханов.
ХIасан Аьдилов
