Ларгсса шинал Дагъусттаннал Капитал ремонтрал фондрал чялиш дуккан дурна къатрал заллухъруннайсса буржру батIаврил даву. Шинал хIасиллайн бувну, Фондрал счетрайн дуркIун дур 209 миллион ва 931 азарда къуруш. Вай харж дантIиссар шагьрулул агьалинал къатри дакьин дан.

Агьалиная буржру батIин Фондран 26 азаллий 516-нния лирчусса материаллу ( аьмну 620 миллион арцул хIакъиравусса) судрайн дулун багьну бур. Цала хушрай взносру дуллуминнал арцу 11, 7 миллиондалийн дирсса хьуну дур. КIицI лаган, взносру къадулаврил чулуха щала республикалий хьхьичI ххуттай МахIачкъала бур. Шиккусса къатрал заллухъруннал бурж 1 миллиард ва 976 азарда къурушрайн бивсса бур. Шинал дянив ласун бювхъуну бур 138 миллион. Миннува судрайн буллусса иширттал госпошлина 8 миллиондалия лирчусса дур
2026-ку шинал Капитал ремонтрал фондрал хъиннура гуж дан тIий дур хушрай къадуллалисса взносру судрайхчин ласаврил даву. Буржру бусса цинявннал хIакъираву судрайн материаллу дулунтIиссар. Ххуйну хьунссия, буржру бусса инсантурал суд-диваннахун къабувтун лахъарча цала буржру. Мунийну судрацIун дархIусса харжлугъ, пени ва приставтуран дулаймургу махъун щун дурну, ххишаласса чIунгу харж къадурну.