[dropcap]У[/dropcap]ттигъанну оьрмулул 60 шинал юбилей кIицI ларгунни Ххюлуссуннал шяраватусса, Лакрал райондалий чIявуссаннан кIулсса ветеринар-хIакин, мудангу цала даврий ца хIарачат ххину зузисса пишакар, Аьсабаьлил арс Абачараев МахIаммад-Ражавлул.
[dropcap]Ц[/dropcap]инявппагу дус-ихтивартурал цIанияту дакIнийхтуну барча дуллай буру му хъуннасса ва бусравсса кьини!
ЧIа тIий буру МахIаммад-Ражавлун чIярусса цIуллусса шинну, цIу-цIусса ххуй-хъиншивуртту!
МахIаммад-Ражавлул биялалийн хъар хъанай дуссар Ххюлуссуннал ва Буршиял дянивсса хъуннасса даралул ризкьи-кьинилул ххуй-узданшиву ва цIуллу-цIакьшиву. ЦIуллуну ва цIакьну итаннав ина инавагу Заннал вания тинайгу – винагу, вилацириннангу, щала жяматрангу!
Дустал, гьалмахтал, уртакьтал
[dropcap]Д[/dropcap]акIнийхтуну барча дуллай буру жулла аьзизсса ниттил, 1-мур ЦIувкIратусса Хайруттиннул душ ХIусайнова Умаматлул оьрмулул 65 шин!
Бавай, чIа тIий буру вин чIярусса цIуллусса шинну, цIу-цIусса ххаришивуртту ва ххуйшивуртту.
1975-ку шиная байбивхьуну, хIакьинусса кьининин ина хъунмасса захIмат бувссар 1-мур ЦIувкIуллал дянивмур даражалул школданий зий, математикалул ва физикалул дарсру дихьлай, ялун нанисса ник тарбия дуллай. Зунттал хъамитайпалун лайкьну, дакI-аьмал аваданну, тIул-тIабиаьт узданну бувтсса ва бутлатисса оьрмулийну ина хIалал бувссар жул цинявнналвагу хIурмат.
Вин чан къаданнав оьрчIаясса ва оьрчIал оьрчIаясса ххаришивуртту.
Я Аллагь, ина мудангу мукунма зирангнува, аьчухнува, тяхъанува личIаннав, дакIнийсса мурадру бартлаганнав.
Ябаннав ина жун Заннал!
Арсру, душру, куяв, миннал оьрчIру, душру, гъан-маччами — цинявппагу ина ххирами
ДакIнийхтуну барча дуллай буру жунма бишин-битан кIану бакъа ххирасса ссу, КIубратусса, Мусалаев МахIаммадлул душ Ибрагьимова Зайнаблул, 70 шинал юбилей!
Зайнаб хIакьинусса кьинигу зий буссар политехнический колледжраву кадрардал отделданул хъунмурну. Ххуйсса зузала хIисаврай лайкь хьуссар Аьрасатнал Федерациялул минобразованиялул хIурматрал грамоталунгу. Бусравну бур архIал зузинангу, жяматрангу, гъан-маччанангу, уссур-ссуннангу.
Жул аьзизсса ссу Зайнаб, чIа тIий буру вин цIуллушиву, дуллалимуниву тIайлабацIу. Я Аллагь, вил ялун ххаришивуртту дакъа къадияннав. Ина вила буцириннащал оьрмулул буччиннин битаннав.
Вил хъиншивуртту чIа тIий, виха дуаьлийсса вил
уссу ва ссурвал