Апрельданул 5-нний 90 шин хьунтIий дур Гьуйннал шяраватусса АхIмадов Нуруллагь Загьидинал арснан.
АхIмадовхъал щалагу кулпат дакIнийхтуну барча дуллай бур Нуруллагьлухь юбилей. Ванал оьрму – кьянкьашиврул, захIмат ххирашиврул ва сахаватлувшиврул эбратри.
Ва чIивинияцIава ятинну ливчIун ур. Амма чIавасса оьрмулий, захIматшивурттал лахIан ан къаавцIуну, цала бюхъулийну цIакьну ччаннайгу авцIуну, цайминнан кумаг байсса кашилул заллу хьуну ур.
АцIния мукьра шинаву ванал цалчинсса шаттирду лавсун бур хъуниминнал оьрмулувун. Дуклан увххун ур МахIачкъалаливсса Ремесленное училищалийн, хъирив армиягу лавхъун, оьрмулухун зий ивкIун ур Сепараторду бай заводрай.
ДакIнийхтуну бивхьусса захIматрахлу паччахIлугърал ванангу лавайсса кьимат бивщуну бур, цикссагу наградартту дур ванал хIалал дурну. Амма яла хъуннамур наградану ванан ккаллину бур нахIу-хIалимсса, дусшиврийсса, цаннал ца бувгьусса кулпат.
Цала аьзизсса кулпатращал хъунигу бувну, оьрмулул хххуллийн бивчуну бур душ ва шама арс. ХIакьину вай бур нитти-буттаха аякьа дусса, вайннал лавай бавцIусса оьрчIру.
Нуруллагь барча уллай, чIа тIий буру ванан цIакьсса цIуллушиву, дакIнил гъилишиву, гъанчунал чулухасса аякьа ва чаннасса ххарисса гьантри. Вил ужагърай чан къахьуннав оьрчIал ва оьрчIал оьрчIал тяхъасса чIурду.
Барча вил юбилей!
Кулпат, оьрчIру,
гъан-маччами
