Мартрал 18-нний жура кIицI лагару билаятрал тарихраву агьамшиву дусса, Къирим Аьрасатнал Федерациялувун зана бивкIсса кьини. Ва иширан хасъсса батIавуртту хьунни Лаккуй.

Гъумучиял дянивмур даражалул школалул 4-мур «Б» классрал оьрчIан Лакрал райондалул ЦБС-рал директор Мариян Аьшаевал дунни «Крым и Россия вместе навсегда» тIисса ссят. Слайдирттал кумаграйну оьрчIан ва кьини чIявусса цIусса ва мюнпатсса затру кIул хьунни. ОьрчIру гъирарай гьуртту хьунни вара темалун хас дурсса викториналувух.

Гъумучиял Центральный библиотекалий хьунни «Крым под солнцем России» тIисса цIанилусса информациялул ссят. Библиотекарь Диана Гадаевал дуклаки оьрчIахь бувсунни ва тарихийсса ишираягу, ванил агьамшивриягу. Бувсунни 2014 шинал мартрал 16-нний Къиримнал инсантал циняв ца хьуну бувкшиву цала тарихийсса ватандалуцIун цачIун шаврихлу, референдумрал даврил ялув авцIуну ивкIшиву дунияллул 23 билаятраясса 151 наблюдатель. Мартрал 17-нний Къиримнал Республикалул Верховный Советрал кьамул бувшиву ва билаятрал суверенитет цIакь даврицIун бавхIусса ХIукму. Мартрал 18-нний дуршиву Къирим Аьрасатнавун бухлахишиврул кьутIи.
ШавкIрав культуралул зузалтрал хIадур дурну мукунна хьунни «Крымская весна» цIанилусса информациялул ссят. Библиотекалул хъунмур Фрунзина Кьадиевал ва Аьрасатнал халкьуннал аслийсса культуралул центрданул директор Лиана Халиловал бувсунни ва тарихийсса иширая.
Ххюлуссуннал библиотекалул хъунмур Залина МахIаммадовал ва школалул цачIуну дирхьунни «Крым и Россия – идем одной дорогой» тIисса цIанилусса тIиртIусса дарс.

Бадрижамал Аьлиева