Дагъусттаннал паччахI­лугърал технический университетраву хьунни ­Аьралий ишру лахьхьин буллалисса центр (ВУЦ) къуртал бувсса цалчинми выпускниктурахьхьун аьралий билетру буллалисса шадлугъ.

2024 шинал Аьрасатнал КIулшиву дулаврил министерствалул ва мюхчаншиврул министерствалул кабакьаврийну тIивтIусса ва Центрданий очнайну дуклакисса студентътуран аьралий ишругу лахьхьин буллалиссар.
Выпускниктал барча бан ва миннан документру булун увкIунни вузравун Дагъусттаннал бакIчинал кIанттайсса Федор Щукин. Ванал кIицI лавгунни граждан касмулуцIун выпускниктурал ттизаманнул аьралий пишардугу лавхьхьушиву. Барчаллагь увкунни студентътуран кIулшивуртту дуллалисса преподавательтурахь, вайннавух биялсса аьралий опыт бусса, СВО-лий гьуртту хьусса насихIатчитурахь. Хъамаллуран ккаккан бунни опыт бусса инструктортурал каялувшиврийну талатаврил кьюлтIшивуртту лахьхьин дуллалисса кабинетру.
ЦIанасса ппурттуву Центрданий 200 курсант усса ур, дуккаву къуртал дурну, аьралий билетру лавсунни 30 инсаннал.

ПатIимат Рамазанова