ЦIуссалакрал райондалий тIиртIусса «Возрождение Родины» тIисса ихIсандалул фондравун 30 азарда къуруш дирчунни ЦIуссалакрал шяравасса ишбажаранчи Тагьир Изархановлул.

ДакIнин бутан, ЦIуссалакрал райондалий жяматийсса суккушиндарал сипталийн бувну тIивтIуну буссар хасъсса аьралий операциялий гьуртту хъанахъисса аьралитурал чIарав бацIаву, миннал кулпатирттал масъалартту щаллу баву ва кумаг баву, Аьпалул багъру цIу буккан баву мурадрайсса давурттацIун кабакьу буллалисса ихIсандалул фонд.
– ХIакьинусса кьини укун, чумартсса, сахаватлувсса инсантурал дуллалисса давурттан багьа бакъассар. Барчаллагьран лайкьссар къучагъну аьралий буржру бартбигь­лагьисса жагьилтурал чIарах бацIан хIадурсса уздансса инсантал. Зу кунмасса патриотътал жула аьралитурал махъ буссаксса, ххувшаву ласунсса вихшалагу ххишала хъанай дур, – увкунни фондрал хъунама Зайнуллагь Мирзоевлул.
Райондалул администрациялул каялувчитурал ТIагьир Изархановлуйн барчаллагь баян бунни аьралий операциялул гьурттучитуран ва талатиминнал кулпатирттан кумаг баврихлу.
Украиннал аьрщарай хасъсса аьралий операция байбивхьуния шинмай, жула аьралитуран ва миннал кулпатирттан кIицI лагансса кумагру бувссар ва ихIсандалул фондрал.
Шиккува бусан, цумацаннащагу бюхъайссар «Возрождение России» тIисса ихIсандалул фондрайхчин цащава шайсса кумаг бан.