ЦIуссалакрал райондалия лак ЦIуминалийн бизан баврил ва Аухуллал район цIу дуккан даврил масъалартталсса буллалисса ДР-лул ХIукуматрал управлениелул хъунама МахIаммад-ХIажи Айдиев хьунаавкьунни СВО-рал гьурттучи, ЦIуссалакрал райондалул мажлисрал председательнал хъиривчув Амин Оьмаровлущал. Шиккува бусан, Амин Оьмаров, цува зий ивкIсса давугу кьариртун, хушрай контрактгу чирчуну, лавгссар хасъсса аьралий операциялий гьуртту хьун.
Аьраличувнащалсса хьунабакьаврий цIухху-бусу бунни Украиннал аьрщарай нанисса хасъсса аьралий операциялия, цукунсса захIматшивуртту хьунадакьлай дуссарив аьралитуран, ци аьркинну дуссарив, ци льготарду дагьайссарив.
Управлениелул хъунаманахь СВО-рал гьурттучинал миннат бунни программалул лагрулий ЦIуминалийсса ЦIуссалакрал райондалий къатри дан кабакьу бан. МахIаммад-ХIажи Айдиевлул ва масъала лавсунни цала аякьалулун.
Имара Саидова
