Республикалул Халкьуннал творчествалул къатлул ттигъанну итадаркьунни «Читаем Эфенди Капиева» цIанилусса флешмоб. Вай гьантрай ванивух гьуртту хьунни республикалул Дахадаевский район.
Хъунасса чичу, прозаик, шаэр-таржумачи Апанни Къапиевлун 115 шин шаврин хасну зузи дурсса флешмобри ва. Дахадаевский райондалийсса Морское тIисса шяравусса Аьрасатнал Халкьуннал аслийсса культуралул центрданийн бавтIминнал, хъунмурчIин дуклаки оьрчIал, бувсуна Апанни Къапиевлул оьрмулия ва творчествалия, дагъусттаннал ва совет литературалуву ванал бивхьусса хъунмасса бутIуя, дурккуна шаэрнал назмурду. ХIадур дурну дия луттирдал «Апанни Къапиевлун 115 шин» тIисса цIанилусса выставкагу.
Ваниннин хьхьичI ва флешмобравух гьуртту хьуссар Сергокъалаллал райондалул дуклаки оьрчIру. Флешмобрал дайдихьу дурмигу вайри.
Уку-укунсса давуртту дуллалиссар махъа нанисса никиран цалва тарих, цалла культура кIулну дикIаву, цалла ватан ххирану тарбия шаву мурадрай.
Бадрижамал Аьлиева
