Тарихраву агьамсса кIану бувгьусса Ленинград шагьрулул блокадалул ахир хьунну 81 шин шаврин хас дурсса мероприятияртту хьунни Ккуллал райондалийсса кIулшивуртту дулаврил ва культуралул идарарттай. Аьрасатнал лагрулийсса «Блокадалул ччатI» тIисса акциялувух хIала бувххунни ЧIяйннал Магьирлугърал къатрал хъунмур СалихIат Алхасова.

Буттал КIанттул цIанийсса Хъун дяъвилул яла къучагъмур ва захIматмур лажин хъамакъаритаву мурадрайсса мероприятие хIадур дурну дия СалихIатлул.
Акциялул агьаммур лишанну хьунни 125 грамм дусса ччатIул парча. Гьамин, блокадалул чIумал вана вара кьаралданул ччатI булайсса бивкIссар ца бакIран.
Ва чIивисса ччатIул парча хъанахъиссар тай захIматсса чIунну дурхIусса инсантурал кьянкьашиврул ва чувшиврул лишанну.
Ленинградуллал блокадалия бувсунни Ккуллал райондалул «ЧаннацIуку» кказитрал корреспондент Арсен Аьбдуллаевлул.
Ленинградуллал агьалинал лархъсса захIматсса кьинирдая бувсунни СалихIатлул цилвагу.
Лажин хIадур дурссар
Имара Саидовал