Вай гьантрай кьурчIисса хавар бивунни жула ялун. Украиннал аьрщарай хасъсса аьралий операциялий къучагъшиврий жан дуллунни ГьунчIукьатIрал шяравасса Амиллул арс Аьлиев Закирдул.

Закир увну ур 1992 шинал июльданул 28-нний МахIачкъалалив. Школалул хъирив ванал къуртал бувну бур ДГУ-лул физикалул факультет, шиккува магистратурагу. Зий ивкIун ур ДНЦ РАН-далуву, яла пиво дай заводрай.
Закир хасъсса аьралий операциялий гьуртту хьун лавгун ур цала хушрай 2025 шинал март зуруй.

Ва ия гьалмахтурал цIаний жан дулун махъаллил акъасса, кьянкьасса хасият дусса, вихшала дишин лайкьсса жагьил. ­Мукунсса хасият дусса Закир сий дуну ия аьралийтурал дянивгу. Ванал махъ ливчIунни кIия оьрчI ва кулпат.

ДакIнийхтуну дард ва кьурчIишиву кIидачIлай, жижара буллай буру ванал буттахь Амиллухь, ниттихь Кирахь, кулпатрахь Динахь, уссихь ХIасаннухь ва махъсса цинявппагу гъан-маччаминнахь.
Имандалий лавгун лякъиннав, алжаннул ххари аннав. Махъсса цинявннал оьрмурдай барачат бишиннав.
Ва кьурчIишиву духIансса ссавур ­цинявппагу гъан-маччанахьхьун, лагма-ялттуминнахьхьун дулуннав!

ГьунчIукьатIрал жяматрал ккурандалул чулуха ХIажибутта ХIусайнов