ЦIуссалакрал райондалул «Заманалул чIу» кказитрай баян бувну буссия «Мы помним, мы гордимся» тIисса цIанилусса Ххувшаврил 71 шин шаврин хас бувсса конкурс.
Вай гьантрай му кказитрал редакциялий дунни конкурсрал хIасиллу. ХьхьичIунсса кIанттурду бувгьуминнал макьалартту рирщунни «Заманалул чIу» кказитрайгу.
Конкурсраву хьхьичIунсса кIанттурду
бувгьунни Москавлий ялапар хъанахъисса Кьурбанов Кьурбаннул, ЦIуссалакрал шяравасса ПатIимат Юнусовал, ЦIуссаккуллал шяравасса Ровена Кьурбановал.
Ххув хьуминнан «Заманалул чIу» кказитрал редакциялул чулуха дуллунни хIурматрал грамотартту ва арцуйнусса бахшишру.
Райондалул кказитрал редактор Уммугьали ЯхIияевал барчаллагь увкунни конкурсраву чялишсса гьурттушинна дурминнахь ва кIицI лавгунни вайннал чирчусса макьаларттал хъуннасса агьамшиву душиву хIакьину жунна ва ххувшаву пишкаш дурсса, къучагъну талай бивкIсса вирттаврал аьпа абад баву мурадрай.
