Вил кьимат мусилли
Аьзизсса Гъазирбагьиннул юбилейрайн
Вил чумартсса дакIнин,
Дугърисса тIуллан,
Гьарцаннан бусравну
Бивзсса шаттирдан,
Вихьва къатIурчагу,
КьюлтI булларчагу,
Кьимат хъунмассари
Мудангу жучIа.
Мюхтажну ливчIманан
Ка-кумаг буван,
Вилламур кьадиртун,
Ганалсса дуван,
ЧIахху-чIарахманал
ЧIарашин ласун
Та-унугу ина
ХьхьичIунсса ура.
Барча хьуннав, аьзиз,
Оьрмулул шинну –
РяхцIалла лахъазан,
ЯхI ххину лархъсса.
Вания тихунмай
Буллу оьрмугу
Ххувзаннал цIуллуну
Бутлай итаннав!
Вил оьрмулул дус, Сакинат
——————————-
ДакIнийхтуну барча буллай буру ниттил бувсса кьинилущал ххирасса нину Штанчаева Шамсият.
ЧIа тIий буру вин цIуллушиву, оьрмулиягу, оьрчIаягу щалихханнинсса чIярусса шинну, кулпатраву ххаришивуртту, дакIнийсса циняв мурадру бартлагаву.
Ина ххирасса лас, арс,
душру, оьрчIал оьрчIру, гъан-маччами
——————————-
Ина ттул кIинира
Ттула оьрмулул дуснан
КьурукIинттул ина
Ттун гъили гъира,
Ччувччусса вацIлуву
Щюлли хIавира.
ТIутIал дурцIу арив
ХъункIултIутIира,
Кьавкьсса авлахъирай
Щаращул щинна.
На къумасса чIумал,
ДакIнин чанира,
Къашавайсса чIумал,
Чурххан дарувра.
Жула оьрчIал чIарав
Чаннаннил ттарцIра,
Къатта чанна байсса
Бивтнасса баргъра.
Ина ттул къатлувун
Бувхсса кIинира,
Ссаврунная багьсса
ЧаннацIукура.
Оьмаров Шамил,
ш. КIундими
