Дагъусттан Республикалул халкьуннал артистка, Лакрал театрданул, утти тIурча Къумукь театрданул артистка ПатIимат ХIасанова-Керимован 70 шин бартлаглагиссар вай гьантрай. Жу барча буллай буру ПатIимат.
Ва дакIнийн дичлай буру ПатIиматлул Лакрал театрданул сахIналий дургьусса, ва ккавкнан оьрмулухун хъамакъаритансса роллу. ДакIнийн утлай буру ванищал архIал Лакрал театр машгьур буллай ивкIсса, ПатIиматлущал цимигу спектакльдануву цIанихну гьуртту хьусса ванил лас Шамил Керимов. Ва дуэт дусса пьеса мудангу машгьурссия, язимуръя.
ЧIа тIий буру ПатIиматлун вания тихуннайгу ванил цIа ванияргу машгьур дансса роллу.
Ххариру хIакьинусса кьинигу Къумукьнал театрдануву яла тIалавмургу яла машгьурмургу артистка жула ПатIимат бушиврия.
Барча вил юбилей, ПатIимат! Гьар вил дакIниймур бартлаганнав.
Вил дустал,
гьалмахтал
—————————-
ПатIимат – Любочка!
Барча, ххирай, ина бувсса кьини. Вилгу, вилциринналгу гьар дакIниймур бартлаганнав. Гьарцагу чIа кусса мурадирайн бияннав. ХIакьину кунма, оьрчIалгу, оьрчIал оьрчIалгу хъихъи лавсун гьаннав вил щала оьрму.
Ина ххираминнал цIания
——————————-
Аьхъаратусса Магдуева
Аьжал юбилей барча дуллай
Вин баган бизайвав тIий,
Чичав на виха балай.
На дакIнийхтуну чичав,
Вил дакIнил кьамул барча.
Аьжай, на вин ссайгъатран
Гьан дуванна тIутIал хьхьем,
Лукьман хIакиннал кунна,
Кавсар щиная дартIун.
Хьурдай на, чавахъ кунма,
КуртI хьхьирил чIануйх гьузун,
Ляълу-жавгьарду бавтIун,
Бичивияв вил хьхьичIун.
Аман хьурдай учара
На кIа ссавруннайн лахъан,
Ссавруннай чанна цIуртти,
БавтIун, вил махьлийн бичин.
Буттукьа хханссар вил дакI,
Ххазинарттал дурцIусса,
Мукьвагу мурцIу тIивтIун,
Гьарима рязи айсса.
Кьиблалул читIу бувкIри,
ХIажлул къукъухьхьи бувкIри,
ХIурулъэн-малаиктал
Аьжа барча бан ливкри.
Ина ххирасса, вин хъиншивуртту чIа тIий, виха дуаьлийсса гъан-маччами,
уссурссу, кулпат,
Аьхъардал жямат
