Ватан дуруччултрал байрандалуцIун бавхIуну хасъсса операциялий гьуртту хъанахъисса аьралитурачIан барча бавуртту, ссайгъатру гьан дуллалисса акциярду хьунни Дагъусттаннай. Цал ттигу исват бунни жула халкьуннал цала чумартшиву, захIматсса чIумал цачIу бушиву, кумаг бан хIадуршиву.

Хъювхъиял шяравасса Сафият Кьурбановал сакин бувсса «Уздансса лакрал миллат» тIисса группалулгу гьан бунни арцуйнусса кумаг хасъсса аьралий операциялий гьуртту хъанахъиминначIан. Ва группалуву бур зунттал районнай, Аьрасатнал шагьрурдай ялапар хъанахъисса 40-нния ливчусса лак.
Шайнал шаймур дирчуну, тIайла дурккун дур вайннал Ватан дуруччултрал байрандалийнсса бахшишну цала рартIсса арцу.
Уттигъанну аьралитурая дуркIун дур жаваб – вайннахь барчаллагь тIисса видеоролик.
Аьралитуращал архIал жугу буру зухь барчаллагь тIий хIурмат бусса «Уздансса лакрал миллат» группа. Каши ххи даннав, бюхълай личIаннав. Зу бувмур АллагьначIагу бучIи лякъиннав.