ДР-лул БакIчи Сергей Меликовлул дунни гьашину июль-август зурдардий Региондалул управлениялул центрданул (ЦУР) ашкара бувсса захIматсса масъаларттан хасъсса батIаву.
Республикалул каялувчинал тIимунийну, ЦУР-данул кьамул дурну дур агьалиная 3 азаллийсса лабизавуртту.
ЧIяруми лабизавуртту дур МахIачкъалаллал, Каспийскаллал, Дарбантуллал ва цаймигу шагьрурдал инсантураяту, миннувасса чIярумигу дур ЖКХ-лул аралун хасъсса, хIачIайсса щинал дузал баврил хIакъиравусса, цIинцI-ччюрк дукьаврил, ххуллурду бакьин баврил, социал масъаларттал хIакъиравусса. Сергей Меликовлул миннувату личIину чIурчIав дунни МахIачкъала электроэнергиялул дузал баврил ва машинарттансса газрал багьа лахъ шаврил масъалартту. «Ми кIивагу масъала республикалий дузал буллай бур. Микку чIярусса затирттал хъар дутлай дур федерал даражалий хIукмурду кьамул баврийн», – кунни региондалул каялувчинал.
Сергей Меликовлул тIимунийну, инсантурал лабизавурттал хъирив бивзун бур, амма ми циняв масъалартту ччяни дузал буван къашайхха, ми бур ччяния махъ дузал къабуллай чулу хьуну. Микку аьркинну бур давуртту ца системалийн дуртун дуллай байбишин.
БатIаврий ихтилатру бунни ДР-лул ЦУР-данул каялувчи Султан Аьбдуаьлимовлул ва цайминнал.
БатIаврий ххал бивгьунни цаймигу масъалартту.
