Августрал 11-нний Дагъусттаннал БакIчи Сергей Меликовлул республикалул цIуллу-сагъшиву дуруччаврил идарарттан дуллунни медициналул автотранспорт.
Ми машинартту жула региондалийн бувкIун бур «Модернизация первичного звена здравоохранения РД» тIисса программа бартдигьаврил лагрулий. 27 спецмашиналул кIулли ларсунни медициналул идарарттал хъуними хIакинтурал.
Районнал ва шагьрурдал азарханардан ва поликлиникарттан буллунни 13 «Газель», 10 «Нива» ва 4 «Лада Ларгус» машина.
Аьмну 2021 шинал ккаккан бувну бур медициналул идарартту дузал буван 177 машина, миннувату республикалул медициналул идарарттан буллуссар 54.
Аьмну региондалул мюрщими азарханарду модернизация баву мурадрай, 2021-2025 шиннардий ккаккан бувну бур 6, 5 млрд къурушру итадакьин. Ми шиннардий медициналул идарартту дузал бувантIий бур 700 машиналул.
Региондалул каялувчинал бувсунни къашайшалт медициналул кислородрал дузал баврил хIакъиравугу. Мунал тIимунийну, кислород чан хьуну бакъасса бур, къашайшалт гьарза хъанай бусса бур. Мунияту мунал агьалинахь тавакъю бунни тIайламур ххуллийх бачин.
Сергей Меликовлул ихтилат бунни вакцинациялул хIакъираву.
Яла махъ лавхъунни ДР-лул цIуллушиву дуруччаврил министр Татьяна Беляевал. Мунил тIимунийну, аьркинсса даруртту ласайсса бур республикалул луртандалул фондрал арцух, ва анаварну бачIайсса бур азарханардайх захIматну къашавайсса инсантал хъин буван.
