Е.Исимбаевал цIанийсса стадиондалийсса вакцинациялул пунктрай вакцина баврил даврия буслай, ДР-лул цIуллу-сагъшиву дуруччаврил министр Татьяна Беляевал кIицI лавгунни ца гьантлул дянив шикку COVID- 19 цIуцIаврия вакцина буллай бушиву 1600-ннийн бивсса инсантурайн. Вакцина бан шикку хIасул дурну дур инсантуран къулайсса шартIру.

«Шикку дур медициналул документация дуцIин дансса гьарташиву. Му ишираву жун кумаг буллай бур Дагъусттаннал паччахIлугърал медициналул университетрал волонтертал. АрхIалва зий бур хIакинтурал ххюва бригада. Мунияту даву най дур анаварну. Волейболданул залданул территория хъуннасса душиврийн бувну, шикку жуща бюхълай бур лагма-ялттуминная социал манзил бурувччуну, вирус лахъаврия агьали мюхчан бан», – увкунни Татьяна Беляевал. ДакIнийн бутанну, ва пункт зий бушиву гьарца кьини 10. 00 ссятрая 19.00 ссятрайн бияннин.