«Трезвая Россия» тIисса федерал проектрал хъунама Султан Хамзаев увккунни Аьрасатнал премьер-министр Михаил Мишустиннуйн, ва шинал хIасиллайн бувну, агьалинайн вакцина буллалисса медициналул зузалтран премияртту дулун ккаккан буллалисса сипталущал.

Хамзаевлул кIицI лавгунни 2021 шинал медициналул дянивми ва мюрщими зузалтрай хъуннасса гьиву диркIшиву, Аьрасатнал агьалинайн коронавирусрал инфекциялийн къаршисса вакцина буллай байбишаврийн бувну.
Ванал маслихIат бунни, шинал хIасиллайн бувну, мукьва зурул мутталий агьалинайн вакцина буллай бивкIсса медициналул зузалтрал хIакьлил ялун кIива оклад ххи бан.