Вай гьантрай ДР-лул БакIчи Сергей Меликов ивунни Шамиллул райондалийн, Хебдаллал шяраву мунал ххал бивгьунни культуралул ва бигьалагай парк
Шикку 2019 шинал дурну диркIссар реконструкция, машан лавсун бивкIссар оьрчIру тIуркIу тIунсса городок. Парк шадлугърал тагьарданий тIивтIуну бур Шамиллул райондалун 90 шин шаврил шадлугъру дайдишин хьхьичIсса гьантрай.
Республикалул каялувчи авкьунни Хебдаллал шяраву школа гьарта баврил хIакъиравусса шяраваллил жяматрал пикрилуцIун.
Яла Сергей Меликов увкIунни Гоор-Хиндахуллал шяравун. Микку Дагъусттаннал БакIчинал ДР-лул ХIукуматрайн тапшур бунни буван цачIусса шяраваллил идара, миву битаншиврул школагу, библиотекагу, ФАП-гу.
Сергей Меликовлул ми шанмагу идаралул зузалтран дуллунни наградартту, тамансса шиннардий лажин кIялану зузаврихлу.
