Дагъусттаннал паччахIлугърал халкьуннал хозяйствалул университетраву хьунни Дагъусттаннал БакIчинал ва ХIукуматрал администрациялийн вакансияртту дусса къуллугъирттайн буцинсса кадрардал резерврал конкурсрал кIилчинмур ятIап.
Конкурсраву гьуртту хъанахъисса 500 инсаннал жавабру дуллунни компьютерданул тестирдан.
Тестру дия гьурттучинан оьрус маз, Аьрасатнал ва Дагъусттаннал Конституция, паччахIлугърал граждан къуллугърал, коррупциялийн къарши бацIаврил законодательство, мукунма информациялул ва коммуникациялул технологияртту цукун кIулну дурив ххал буллалисса.
– Июнь зурул 15-нний гьарица гьурттучи личIи-личIину ххал антIиссар. Ва ятIапрай чIалантIиссар яла лайкьми, пишакаршиврул даража лахъми ва кIулшивуртту думи.
Бюхъайссар структуралул подразделениярттал органнал каялувчитурал резервравун бувчIуминнал даража ххал бансса заданияртту ялагу дулун, – бувсунни ДР-лул БакIчинал ва ХIукуматрал Администрациялул Управлениялул хъунама Юрий Алчиевлул.
