[dropcap]В[/dropcap]ай гьантрай МахIачкъалалив, П.С. ХIамзатовал цIанийсса Изобразительный искусствардал музейраву, тIиртIунни Санкт-Петербурглив ялапар хъанахъисса Дагъусттаннал художниктурал «Открытая ладонь» тIисса творчествалул сакиншиндарал выставка. Му хас дурну дур ДАССР-нун 100 шин шаврин.
[dropcap]В[/dropcap]ыставкалул сакиншиндаралсса бувну бур ДР-лул Культуралул министерствалул, П.С. ХIамзатовал цIанийсса Изобразительный искусствардал музейрал ва «Открытая ладонь» ТО-лул.
Выставка тIитIлай, Музейрал директор СалихIат ХIамзатовал кIицI лавгуна ларай кIицI ларгсса сакиншиндаравун бухлахисса чIявуми художниктурал Дагъусттаннайсса художествалул дуккаврил идарартту къуртал бувшиву, муния махъ Санкт-Петербургливсса Художествалул академиягу къуртал бувну, му шагьрулийва ялапаргу хъанай, зийгу бунува, миннан цала тарихийсса ватан хъамакъаритайшиву, ми чIявуну гьуртту шайшиву жулла республикалул хъун шагьрулий дуллалисса выставкарттавух, миннавасса цаппараннал произведенияртту тIурча, музейрал собраниярттавугу бушиву.
«Открытая ладонь» ТО-лул каялувчи, Дагъусттаннал Республикалул халкьуннал художник Арсен Къардашовлул цалвамур ихтилатраву бувсуна Санкт-Петербурглив ва сакиншинна дувансса пикри цукун хьуссарив, мунивун цу ухлай уссарив, му сакиншиндарал дурмуния ва дуванмунил планная.
– Жул цалчинсса выставка хьуссар 1997-ку шинал, Санкт-Петербурглив имам Шамиллун 200 шин шаву кIицI лаглагисса чIумал. Ва сакиншиннарал бакIщаращуй авцIуну ивкIссар Санкт-Петербургливсса Дагъусттаннал вакил ХIасан ХIасанов. Ва гихунайгу дуллалисса выставкарттал ва цаймигу давурттал чIарав ацIлай мудангу ивкIссар, – кIицI лавгуна Арсен Къардашовлул.
Санкт-Петербурглив ялапар хъанахъисса Дагъусттаннаясса художниктурал выставка лахъи лагантIиссар июльданул 18-нин.
