[dropcap]М[/dropcap]арт зуруй МахIачкъалалия АхIмад-Хан-Султаннул цIанийсса аэропортрайн ва махъунмай пассажиртал биян буллалисса автобусру цIуницIакул занан бивкIунни. ДР-лул Транспортрал министерствалул прессалул бусаврийн бувну, МахIачкъалалия аэропортрайн ва махъунмай агьали ххилан личIи бувну бур кIива автобус.
Аэропортрайн пассажиртал ххилаххисса автобусру бавцIуну бикIантIиссар Расул ХIамзатовлул цIанийсса кучалийсса (97) «Аэрофлотрал» кассалул чIарав. Автобусирттал дуллантIиссар кьинилун мукьра рейс. Ца чулухунмайсса билетрал багьа бур 100 къуруш.
