Аьрасатнал Президентнал цIаниятусса бахшиш

Дагъусттаннал жагьилтурал иширтталсса буллалисса министр Камил Саэдовлун Аьрасатнал Президент Владимир Путиннул цIаниятусса бахшиш дуллунни коронавирусрал ппурттуву агьалинан ка-кумаг буллалисса даву лайкьсса даражалий дурну тIий. Бахшишру дуллалисса шадлугърал церемония хьунни Москавуллал Кремлилул Екатерининский залдануву. Барчаллагьрал диплом министрнахьхьун буллунни Президентнал Администрациялул цалчинма каялувчи Сергей Кириенкол.

«На барчаллагьрай ура ва къабигьасса ппурттуву, тинмайну къабавцIуну, шайманал шаймур буллай, хIала бувххун зий бивкIун тIий. Ва жулла аьмсса наградар. Дагъусттаннал жагьилтурал захIматсса чIумал ккаккан бунни цивппа цукунсса буссарив, пенсионертуран ва мушакъатминнан дуканмур ва даруртту ххилай бакъавцIуссар, «ятIул» ва «щюлли» зонардай зузисса медициналул зузалтран шайсса кумагру буллай бивкIссар. Дурцири давурттал ккал къадулланна, дакI дарцIуну ура жува уттигу чIявусса иширттаву хьхьичIунсса бушиву ккаккан бувантIишиврий», –увкунни Камил Саэдовлул.
ДакIнийн бутанну, пандемиялул ппурттуву жагьилтурал политикалулсса буллалисса циняв идарартту ва ккуранну, махъгу ца бувну, дакIругу ца дурну, дурк кьини чувшиврий лахъан кумагру буллай бивкIшиву.

Патимат Рамазанова

Заслуженный работник культуры РД

Читайте также: