Апрельданул 14-нний АьФ-лул премьер-министр Михаил Мишустиннул ва ДР-лул БакIчи Сергей Меликовлул ххал бивгьунни региондалул социал экономикалул масъалартту.
Михаил Мишустиннул тIимунийну, ми цачIу лавгун бур Дарбантлив, тиккува ххал бивгьуну бур шагьрулул социал экономикалул лябуккулул масъалартту. Аьрасатнал премьер-министрнал Сергей Меликовлухь тавакъю бунни циняв ххал бивгьусса масъалартту ласун АьФ-лул Экономикалул лябуккулул хьхьичIун ва тиккура цIакь дуван дан-дитанмур.
Михаил Мишустиннул бувсунни Каспийскалий ххал бивгьуну бушиву цIуну буллалисса микрорайон, оьрчIал багъру, школартту. Премьернал тIимунийну, федерал центрданул 2 национал проектран хасну личIи дантIий дур 8 млрд къуруш, умуд бур ми цинярда арцу диян дантIишиврийн циняв исполнител властьрал федерал органнайн ва къатри дуллалиминначIан.
Сергей Меликовлул тIимунийну, декабрь зуруя шинмай чялишну зий бусса бур Дагъусттаннан кумаг буван бакIрайн лавсъсса АьФ-лул тамансса министерстварттащал. «Миннал жун кумаггу буллай бур. ЦIанасса ппурттуву республикалул бакIуйн дуккан дуллай дур Дагъусттаннал Лябуккулул социал-экономикалул стратегия. Яла гъансса чIумал жу му ккаккан дуванну федерал органнан, яла тIайла дукканну цIакь дуван», – кунни региондалул каялувчинал.
Дагъусттаннал БакIчинал бувсунни мукунма хIакьину республикалул социал-экономикалул лябуккулул хьхьичIун дагьсса захIматшивурттаягу.
