Мартрал 26-нний Дагъусттаннал БакIчи Сергей Меликовлул бивтунни цаппара цIусса къуллугъчитал Республикалул ХIукуматрайгу, исполнител властьрал органнайгу
Цуппа рязину къуллугърая букьан бунни ДР-лул дуккаврил ва элмулул министрнал буржру чIумуйну бартбигьлай бивкIсса Оьмарова Уммупазиль Авадзил душ. Мунил кIанай, ДР-лул дуккаврил ва элмулул министрнал буржру чIумуйсса бартбигьлагьиманал къуллугърай ивтунни Дагъусттаннал паччахIлугърал Халкьуннал хозяйствалул университетрал ректор, ХIамидлул арс ЯхIия Бучаев.
ДР-лул строительствалул министрнал буржру чIумуйсса бартбигьлагьиманал къуллугърая цува рязину мурахас увунни Багълиев Малик Жамединнул арс.
ДР-лул строительствалул министрну ивтунни «Государственный Научно-исследовательский институт химии и электроорганических соединений» АО-лул генеральный директор, Аьбдулманаплул арс Артур Сулайманов.
Цува рязийну ДР-лул физкультуралул ва спортрал министрнал буржру чIумуйсса бартбигьлагьиманал къуллугърая укьан увунни Юсуплул арс МахIаммад МахIаммадов. ДР-лул физкультуралул ва спортрал министрну ивтунни ДР-лул лачIун буккаврил федерациялул президент, ХалилрахIманнул арс Сажид Сажидов .
Врио тIисса приставкарду бакъанма къуллугъирттай цIакь бунни:
ДР-лул захIматрал ва социал лябуккулул министр МухIуттинова Изумруд Мужайл душ;
ДР-лул цIуллушиву дуруччаврил министр Беляева Татьяна Василийл душ;
ДР-лул культуралул министр Буттаева Зарема Ажулул душ;
ДР-лул цифрардал лябуккулул министр Снегирев Сергей Владимирдул арс;
ДР-лул промышленностьрал ва машлул министр Халилов Низам РахIманнул арс.
Мукунма врио приставкалуцIа хьунни ДР-лул ХIукуматрал Председательнал хъиривчутал – Карибов Анатолий Шамсуттиннул арс ва Аьбдулмуслимов Аьбдулмуслим МухIуттиннул арс.
ДР-лул БакIчинал маслихIатчину бивтунни Чиненная Тамара Юрийл душ.
