Ларгсса арвахI кьини МахIачкъалалив, медициналул элмийсса форум байбишин хьхьичI, Дагъусттаннал цIуллушиву дуруччаврил министр Татьяна Беляевал ва Дагъусттаннал медициналул университетрал ректор Сулайман Маммаевлул тIутIив дирхьунни коронавирусрал азардануща къашайшалт ххассал буллай жанну кьурван дурсса медициналул зузалтрансса гьайкалдануцI.

«Медициналул лаххиялуву кьаагьну, къуж дурну щяивкIсса ва инсаннал къалипрайн ящайхту, жулва итталун багьай хьхьу-кьини агьали ххассал буллай, коронавирусрал цIараву ливчIсса медициналул зузалт, гъан-маччами, дустал.

Та баласса ппурттуву Дагъусттаннал хIакинтурал ккаккан бувссар цивппа инсантурал оьрмурду ххассал баврил цIаний нигь дакъа азарданул цIаравун ххяххан хIадурну бушиву, миннал оьрмурду жунма чувшиврул дарсруну ва эбратну хьуссар, медиктурал цала бурж лажин кIялану биттур баврил бардулт жувару»,– увкунни Татьяна Беляевал. Шиккува дакIнийн бутанну, пандемиялул ппурттувусса дагъусттаннал хIакинтурал даврин лахъсса кьимат бивщушиву Федерациялул Советрал заседаниярттайгу, хасну спикер Валентина Матвиенколгу, щалвагу Аьрасатнал билаятрал агьлу дагъусттаннал хIакинтурал чувшиврий хIайранну буссар увкушиву.