Хъювхъиял шяравусса Культуралул центрданул филиалданий хьунни Ватан дуруччултрал кьинилун хас дурсса шадлугъ. Му тIитIлай, филиалданул хъунмур Рукьижат Оьмаевал барча дунни цинявппагу гьуртту хьун бувкIминнахь байран, бувсунни Ватан дуруччултрал кьинилул тарихрая, жула аьралуннал къучагъшивурттая.

Ялун нанисса ник Ватан ххирану, жула тарих кIулну тарбия шаву мурадрайсса ихтилатру бунни шяраваллил депутат МахIаммад ХIажиевлул, филиалданул художествалул каялувчи Сапижат МахIаммадовал.

Ихтилатру къуртал хьуну махъ дуклаки оьрчIал кка­ккан дунни Сапижат Ма­хIаммадовал каялувшиннаралу хIадур дур­сса программа. Аьрали янналуву­сса дуклаки оьрчIал ляличIинура ххуй дунни мероприятие. ОьрчIал бувккунни Ватандалухасса шеърирду, увкунни аьрали балайрду. Ахирданий Рукьижат Оьмаевал барчаллагь увкунни филиалданул дуллалисса цинярда мероприятиярттал чIарав бацIайсса Хъювхъиял школалул учительтурахь, хаснува директор А. Исяевахь.