Республикалул Халкьуннал творчествалул къатлул муданнагу хъуннасса къулагъас дур халкьуннал канил пишарду буруччаврих. Му журалул даву дунни Республикалул Халкьуннал творчествалул къатлул зузала, «Душа России» тIисса Премиялул лауреат МахIаммадаьли МахIаммадаьлиевлул – ятин­сса ва нитти-буттал кьабивтсса оьрчIансса школа-интернатрай тарбия хъанахъиминнан. Ванал оьрчIан ккаккан дунни тIаннуй накьич дишайсса куц. Цала буттал шяраваллия УнцIукIуллая ва мунил усттартурая ванал бусласимуних оьрчIал хъунмасса гъирарай вичIи дирхьуна. Усттарнал янилу оьрчIал цалвагу хIарачат бунни тIаннуй накьичру дишин.