Росгвардиялул управлениялул ОМОН-лул минарду ххал дайсса группалул пIякь учаврицIа хьун бунни Къизлардал райондалий лявкъусса ярагъ. Красный Восход шяраву щинал каналданул чIарав дурччусса минарду ляркъуну дур Дагъус­ттаннал Виваллил иширттал министерствалун. НигьачIаву дусса кIанттурдайн мугьлат бакъа тIайла бувккун бур Росгвардиялул управлениялул хасъсса пишакартал. Аьрщараву дурччуну ляркъуну дур 6 граната ва 600-нния лирчусса патронну, сси багьлай дайдирхьусса.
Росгвардиялул зузалтрал дусса кIанай бат дунни гранатарттал запаллу, махъми ярагъ буллунни МВД-лийн экспертиза дан. ЧIалачIисса куццуй, лявкъусса ярагъ 2012 шинал Къизлардал райондалий бувсса хасъсса операциялуву бухлаган бувсса «Кизлярская» тIисса террорис­турал группалул ярагъ бур.