Халкьуннал цашиврул кьинилун хасну ДР-лул Жагьилтурал иширттал министерствалул сакиншиндарай хьунни «Дагъусттаннал миллатирттал мазру» тIисса акция.
Акциялул гьурттучитурая, гайннал оьрмулул шиннардих къабурувгун, тIалавну бия так цала- цала ниттил мазурдий Ватандалун, миллатран, тарихийсса иширттан хасъсса назмурду дуккин. Акция цурдагу баян бувну дия цинявннан ишласса Инстаграмрай.
Назмурду ккалаккиминнавух бия миллатирттал лаххи-ликкиялуву, гайннуха лавхьхьуну жулла хъунмур никирал багьу-бизулуву, ичIура ишла дуллай диркIсса матахIгу дирхьуну, акциялувух чялишну гьуртту хьуссагу.
Дуклаки оьрчIру бакъасса, назмурду ккалай бия культуралул аралул, районнал ва шагьрурдал библиотекардал зузалт ва учительталгу.
З. АьбдурахIманова
