Халкьуннал цашиврул кьинилун хасну
М. Горькийл цIанийсса Оьруснал театрданул сахIналий хьунни халкьуннал творчествалул «Вместе мы – Россия» тIисса цIанилусса Республикалул байран.
Муний, цIанасса тагьар сававну, тамашачитураща гьуртту хьун къахъанахъавугу хIисавравун лавсун, концертрал запись дуллай бия, му телевидениялий ва Ютубрай инсантураща ккаккан бюхъаншиврул.
[dropcap]Б[/dropcap]айран сакин дурну дия ДР-лул Культуралул министерствалул, Республикалул Халкьуннал творчествалул къатлул.
Халкьуннал цашиврул яргсса байрандалий гьуртту хьун ва кьини Оьруснал театрданувун бавтIун бия жулла республикалул гьарцагу мурцIниясса гьурттучитал – паччахIлугърал ва халкьуннал коллективру, таксса балайчитал: Казахънал балайлул ПаччахIлугърал Терскаллал ансамбль, къавтIаврил паччахIлугърал «Каспий» ансамбль, Дагъусттаннал паччахIлугърал опералул ва балетрал театрданул хор, паччахIлугърал «Айланай» ансамбль ва «Поющая Чарода» арамтурал хор, Агъуллал, Ахъушиял, Ахттиял, Бабаюртуллал, Гергебиллал, Къизлардал, ЦIуссалакрал, УнцIукIуллал, РутIуллал, Тарумовкаллал, Хасавюртуллал районнаясса ва МахIачкъала ва Хасавюрт шагьрурдаясса гьурттучитал.
«Вместе мы – Россия» цIанилусса концерт тамашачитураща ххал дуван бювхъуссар ноябрьданул 4-нний «Дагъусттан» РГВК-лий ва Ютубрай Республикалул Халкьуннал творчествалул къатлул каналданий. «Дагъусттан» ГТРК-лий му концерт ккаккан дувантIиссар ноябрьданул 6-нний ссят 17.35 хьуну.
Бадрижамал Аьлиева
