Сессиялий хъунмур масъалану бия 2021-2023 шиннардийнсса бюджет кьамул баву

Сессиялий хъунмур масъалану бия 2021-2023 шиннардийнсса бюджет кьамул баву

Ноябрьданул 26-нний хьунни ДР-лул Халкьуннал Мажлисрал 51-мур (ноябрьданул) сессия. Му бачин бувну ия парламентрал Председатель Хизри Шихсаидов.
Сессиялий гьуртту хьунни ДР-лул ХIукуматрал Председательнал буржру чIумуйсса бартбигьлагьима АьбдулпаттахI Амирханов.


Сессиялий ххал бигьлагьи­сса масъаларттавасса хъунмур бия «Дагъусттан Республикалул 2021 шинайнсса ва пландалийсса 2022- 2023 шиннардийнсса бюджетир­ттал хIакъираву» тIисса ДР-лул закондалул проектралмур.

Проектрал гьануми ккаккиярттая бувсунни финансирттал министр Юнус Сяъдуллаевлул. Мунал тIимунийну, аьмсса доходру хьунтIий дур 134 092 504 азарда къуруш, 112,6 % гьашинумур бюджетралнияр ххишаласса.

Республикалул бюджетраватусса аьмсса харжлугъру ккаккан дурну дур 137 328 645,9 азарда къуруш. Диялну дакъами хъанай дур 3 236 141,3 азарда къуруш.
Мува масъалалул хIакъираву ихтилатру бунни цайминналгу.

Сессиялий ххал бивгьунни цаймигу масъалартту.

Читайте также: