[dropcap]Ш[/dropcap]адлугърал мажлис тIитIлай, ихтилат бунни Каспийскаллал ОМОН-лул командир, полициялул полковник Шамил МахIаммадовлул.
— Отрядрал гьану бивзун цалчинсса гьантрая шихунмай зузалтрал хъуннасса хъар лархъссар жяматийсса низам ва агьалинал мюхчаншиву дуручлай, терроризмалул ва экстремизмалул иширттайн къаршину бавцIуну. 21 шинал лажиндарай отрядрал зузалтрал чирчуссар цимирагу цIанихсса лажин ихтиярду дуруччай органнал тарихраву. ДакIнийхтунусса барчаллагь тIий ура къуллугърал ветерантурахь жагьилминнащал опыт кIибачIлачIисса,-увкунни ванал.
Цала ихтилатраву МахIаммадовлул кIицI лавгунни Каспийскаллал ОМОН-лул зузалтрал усттаршиврийну ва къучагъшиврийну ттуршахъул инсантурал оьрмурду ххассал бувшиву, цимилгу террорданул иширттан ххуллу кьувкьушиву, хIакьинусса кьинигу отрядрал зузалт, бигьа бакъасса шартIирдай зий, лайкьну биттур буллай бушиву къуллугърал буржру.
Ихтилатру къуртал хьуну махъ, аьпалухьхьун лавгминнал гьайкалдануцI дирхьунни тIутIив, дунни минутIрайсса пахъ багьаву.
