Ларгсса тталаткьини Дагъусттаннал чIумуйнусса БакIчи Сергей Меликов гьуртту хьунни видеоконференциялул журалий дурсса Аьрасатнал Счётная палаталул заседаниялий. Ва дачин дурну бия Палаталул хъунаманал хъиривчу Галина Изотова. КIиц1 лавгсса палаталул аудитор Светлана Орловал, Дагъусттаннай дурну къуртал къадурсса объектирттая буслай, ххуйсса кьимат бивщунни уттинин дурмур даврин.

— Дагъусттаннал хьхьичIвама каялувчи Владимир Аьбдуаьлиевичлул, хъинну хъирив лавну, чIанийн агьну дуллай ия ва даву, уттисса хъунамагу вава бюхъу- хъитлий зунссар тIий буру. Да­гъусттаннай дурну къуртал дуван багьлагьисса агьамсса 10 объект дур. Вай федерал программалийну дуван бакIрайн ларсъсса объектрур, Дагъусттаннан дакъа чара бакъасса,- увкунни ванил.

Сергей Меликовлул, вара тема аьч дуллай, бувсунни хIа­кьинусса кьини республикалий дурну къуртал къадурсса 1354 объект сияхIрай душиву, 41,4 миллиардрансса. Ванал тавакъю бунни федерал центрданул дуван бакIрайн ларсми объектру дурну къуртал дувансса чаран лякъира тIисса.
— Жу циняв объектирттал­сса бувара тIий бакъару. Федерал программалийн бувну дуллай дайдирхьунугу бивкIун, дацIан дурсса объектирдаятур ихтилат, ми дурну къуртал данмур бувара, лирчIми объектирдалсса жува буванну»,- увкунни ванал.