[dropcap]О[/dropcap]ктябрь зурул 20-нний Дагъусттаннал экономикалул министр ХIажи Султанов хьунаавкьунни культуралул министр Зарема Буттаеващал ва цIуллу-сагъшиву дуруччаврил министрнал хъиривчу Мазай Рамазановлущал.
Имара Саидова
Хьунабакьавриий ххал бивгьунни 2021-2023 шиннардийнсса Республикалул инвестициярттал программа сакин даврил хIакъиравусса масъалартту.
Мукунна, хIисав дунни 2021-2023 шиннардий дайдишинтIисса объектирдал строительствалун харж дувантIисса арцул лагру.
Кьамул бунни миннул хIакъираву министерствардал каялувчитурал бувсса маслихIатру. Ведомствардал дянивсса совещаниялул хIасиллайн бувну, Минэкономикалул хIасул дантIиссар Республикалул инвестициярдал программа.
Шиккува бусан, му программа хъанахъиссар Дагъусттаннал аьрщарай социал инженер инфраструктура хьхьичIуннай шаву мурадрайсса даву.
