Лахьхьу Лакрал райондалул администрациялул актовый залдануву хьунни арулчинмур созыврал райондалул мажлисрал депутатътурал цалчинсса батIаву. Лакрал райондалул депутатътурал корпус сакин хьуну бур шяраваллал депутатътурал дянива увчIусса 39 депутатная: шама Гъумучиял, кIи-кIия – вайми ацIния мяйва администрациялул депутатътурава.
УвчIунни Лакрал райондалул мажлисрал председатель
Райондалул бакIчи Юсуп МахIаммадовлул барчаллагь увкунни хьхьичIвами депутатътурахь архIал дурсса давурттахлу ва, барчагу бувну, тIайлабацIу чIа увкунни цIуну бувчIусса депутатътурахь. БатIаврий увчIин багьлай бия райондалул мажлисрал хъунама. ЧIявуми депутатътурал чIурду буллуну, цIунилгу увчIунни Шяпи Щурпаев.
