Вай гьантрай Дагъусттаннал шяраваллил хозяйствалул министрнал цалчинма хъиривчу Шарип Шарипов ивунни Къизилюртуллал райондалийсса «Томат- Агро- Чар» т1исса теплицалул хозяйствалийн. Ванащал ия Экономикалул министерствалул Жяматийсса советрал хъунама Шагьимардан Мудуевгу.
П. Рамазанова
Нечаевка тIисса шяравусса ва хозяйство республикалийсса теплицардаву ца хьхьичIунмур дур. Ванил директор Шамил МахIаммадовлул бувсунни хъамаллурахь цалсса нисвартилуха зий бушиву, цахъи хIаллава томатирдахун багьантIишиву.
Сайки ххюазарунниха ливчусса квадрат метрарду дусса теплицардаву шинал лагрулий ахънилссаннул кIурхру (рассадартту) ххяххан дуллай бусса бур, вайнначIату вай кIурхру тIалав дуллай, хъямала дуллай бусса бур.
Ва предприятиялийсса гьарцагу даврил процесс автоматикалийсса бур. Шарип Шариповлул, ва хозяйствалийсса даврил бущилия, низамрая цIагу дурну, сантирай ва лябукку буну зузисса предприятиялул даву хъиннура ххуйсса даражалийн гьаз хьунтIисса хьул бишин буллалисса хIуччарду бур увкунни. Бувсунни республикалул агросекторданул даву аьлтта чIалай хьхьичIуннай хъанай душивугу, бюхъулий му давриха зузисса кIицI ларгсса хозяйствалул директор Шамил МахIаммадов кунмасса пишакартал- каялувчиталгу бушиву.
