Аьрасатнал Минсельхозрал хъунаманал хъиривчу увкIунни Дагъусттаннайн

Аьрасатнал Минсельхозрал хъунаманал хъиривчу увкIунни Дагъусттаннайн

Ларгсса нюжмардий Дагъусттаннайн увкIун ия Аьрасатнал шяраваллил хозяйствалул министрнал цалчинма хъиривчу Жамбулат Хатуов.


Вагу гьурттуну Республикалул БакIчинал къуллугъ чIу­муйну бартбигьлагьисса Сергей Меликовлул шяраваллил хозяйствалул агьамми масъалартту ххал бигьлагьисса совещание дурна.

Микку кIицI лавгуна агропромышленный комплекс экономикалул гьанумур бутIа хъанахъишиву ва дагъусттаннал продукция ххуйсса дикIан аьркиншиву. Жамбулат Хатуов ивуна Сулайман-Стальский райондалий буллалисса кIива школалийн, Къизлардал райондалийсса Сар-Сар тIисса шяраву дуллалисса къатри ххал буван ва ппиринжралсса буллалисса хозяйствалийн. ПаччахIлугърал шяраваллу гьаз дувансса мурадрайсса программалул лагрулий Сар- Сар шяраву 135 къа­тта буллай бур, мукунма культуралул къатта, оьрчIансса садик, футболданий буккай площадка.

«Нива» предприятиямур Аьрасатнал циняв регионнайн ппиринж тIайла буккайсса, иш бавчусса предприятие дур. Ванил хъунама Загьидин Кьасумовлул ккаккан дунни делегациялун ппиринж хьун буллалисса цалла хозяйство. Аьрасатнал Минсельхозрал бакIчинал хъиривчу ивуна Ахттиял шяравунгу, ми­кку буллалисса оьрчIал багъ ва спорткомплекс чун бивну бурив ххал буван.

Читайте также: