Дагъусттаннал Конституциялул кьини Дарбант шагьрулул бакIчи Хизри Абакаровлул хIурматрал грамотартту дуллунни Ххувшаврил 75 шинан хас дурсса байран сакин давриву гьуртту хьусса балайчитуран ва магьирлугърал зузалтран.
Зулайхат Тахакьаева
[dropcap]Б[/dropcap]ахшишру дуллуминнавух бур Т.Мурадовлул цIанийсса Дагъусттаннал паччахIлугърал филармониялул коммерциялул директор София Разуева ва Лакрал театрданул артист Аьбдул Мурадов.
ДакIнийн бутан, Аьбдул Мурадов гьуртту хьуссия ДР-лул Культуралул министерствалул Дарбант шагьрулул администрациялущал цачIуну сакин бувсса «Песни Победы на языках народов Дагестана» тIисса проектравух. Ванал лакку мазрай щаллу бувна «В бой идут одни старики» тIисса кинофильмравасса машгьурсса балай «Смуглянка».
ДакIнийхтуну барча тIий буру Аьбдуллухь хIалал дурсса награда. ЧIа тIий буру цIуллушиву ва творчествалуву хьхьичIуннайшивуртту.
