[dropcap]Л[/dropcap]аргмур шинал Аьрасатнаву налог ласлан ккаккан дурссар «самозанятые» тIисса категориялул агьулданиятугу. Шивун багьлагьиссар шаппа зузисса косметологтал, массажистал, хъатIай-хъиншивурттай съемкарду дуллалисса оператортал, шарда нацIу-кьацIурду шахьлахьисса кондитертал, къатрал ремонтру дуллалисса усттартал, пассажиртал ва хъус ххилаххисса пишакартал, квартирарду ва къатри лахъисса чIумуй ягу ца-кIива гьантлий арендалий буллалисса инсантал ва шаппа зузисса бухгалтертал ва юристътал.

З.АьбдурахIманова
Гьашину июльданул 1-нния шиннай ва налог ласаврил закон зузи дурссар жулла республикалийгу. Июльданул 1-нния шиннай хIакьинусса кьининин Дагъусттаннай налог дуллансса сияхIрай цалла цIарду чирчуну дур 453 инсаннал.

[dropcap]Н[/dropcap]алог дуллансса сияхIрайн ласуншиврул агьалинан аьркиншиву дакъассар, хIат-хIисав дакъасса чагъарду буцIин буллай, кабинетирттавух лечлан ягу ирглий бацIлан.
Му масъала щаллу бан бю­хъайссар «Мой налог» тIисса приложениялул ягу Госуслугарттал порталданул кумаграйну.