[dropcap]Р[/dropcap]еспубликалул клиникалул азарханалий цIусса отделение тIивтIунни, мунийн «отделение сочетанной травмы» учай.
Ва цал архIал кIива- шанма операция буван багьлагьисса, учиннуча, кIира-шанна, кувний миннуяргума ххишаласса цIунцIияртту дусса къашайшалт хъин буллансса отделенияр.
Аварияртту хьуну ягу лахъсса кIанттурдая багьсса ппурттуву инсантуран тамансса цIунцIияртту хьуну дикIай, масалдаран, бакIрал ва ччаннал-каруннал цIунцIияртту. Цал архIал бакIралссагу, чурххал цайми базурдалссагу буллан багьай. Укунсса къашайшалтран кумагранни 15 кIану бусса, цIусса отделение тIивтIусса.
Операциярду буллантIиссар анаварссагу, пландалул кьяйдалийссагу. Шикку зунтIий бур биялсса опыт бусса хIакинтал. Республикалул клиникалул азархана – Дагъусттаннайсса ца яла хъунмур медициналул идарар: 17 терапевтиялул,15 хирургиялул,10 акушер-гинекологиялул отделение бусса. Утти ххи хьуссар захIматсса къашайшалтрансса отделениягу.
