[dropcap]Ж[/dropcap]у уттинингу чивчуссия коронавирусрал азар хъин дуллали­сса азарханардай зий бивкIсса Аьрасатнал тамансса регионнаятусса медициналул зузалт жучIава Дагъусттаннай, «Журавли» тIисса бигьалагай комплексраву уква бигьалаглай бушиву.

П. Рамазанова
Ва акциялул сиптачитурал баян бунни утти кьатIаллил билаятирттай, Американаву, Австриянаву, Израиллай, Белору­ссиянаву зузисса жулва ватанлувталгу цивппагу реабилитациялул программалул сияхIравун бутияра тIий бушиву. «ЖучIан оьвтIий бур личIи- личIисса кьатIаллил билаятирттай зузи­сса медициналул зузалт, цивппагу жучIава бигьалаган ччай бушиву буслай, жун, гьай- гьай. тIааьнну бур жулва ка- кумаграя щаллагу дунияллийсса хIакинтуран хавар буну, 500-600 инсан игьалагантIиссар жучIа, аьркиншинна духьурча ва сияхI хъун дувану, кашилух, сантирах бурувгун кьамул буванну кьатIаллил билаятирттаягуми»- увкунни кIицI лавгсса «Журавлилул» хъунама МахIаммад МахIаммадовлул.