[dropcap]У[/dropcap]ттигъанну ДР-лул Шяраваллил хозяйствалул ва бакIлахъиялул министерствалий хьунни фермертурал хозяйстварттал шяраваллил
хозяйствалул муштаритурал кооперативирттал бакIлахъия машай дуккан даврил хIакъиравусса батIаву. БатIаву хьунни министрнал цалчинма хъиривчу Шарип Шариповлул каялувшиврий.
Ихтилатчитурал бувсмунийну, республикалул шагьрурдай хIадур буллай бур чIири-кьирисса ярмукIартту буллансса кIанттурду. ЯрмукIартту буллантIий бур, цалла ххяххан дурсса бакIлахъия дусса заллухъруннал, дахлан тIий бур базардавунияр кьюркьуну.
Шарип Шариповлул тIимунийну, республикалий чIиви-кьивисса ярмукIартту буллай, фермертурал цалла дургьумур дахларча, хъузалтрал давугу хьхьичIуннай дачинтIий дур, шагьрурдал халкьуннангу хайр хьун най бур.
ЦIанасса ппурттуву, сияхIрайн ласлай бур цалла бакIлахъия даххан хIадурсса хъузалт, миннан дахху-ласу дуллансса кIанттурду хIадур баншиврул.
