ХIасанхIусайннул душ Кьадирова ХIаписат
Оьрмулул 102 шинаву дунияллия лавгунни Кьадирова ХIаписат ХIасанхIусайннул душ. ХIаписат бувну бур 1918 шинал ГьунчIукьатIрал шяраву.
ХIаписатлул щалва оьрму лавгссар колхозрал давурттай зий. Ва щар хьуну бия Кьадиров ХIажинан. Арс увну ца-кIира шинава ХIажи Краснодардал ГВК-лул армиялийн увцуну ур, мугу 1940-ку шин диркIун дур. 1941-ку шинал ХIажи Ватан дуручлан лавгун ур.
Муния шихунмайсса оьрму ХIаписатлул, колхозрал давурттан ва ласная аьпалун ливчIсса арснан хас бувну бур. ХIаписатлул зузаврия тай дяъвилул шиннардийра цIа дикIайва. Ванил цила арсгу, цуппа кунма, даву ххирану, захIмат буллай тарбия увну ия. ХIаписатлул хасият кьянкьасса дия,тIайламур ччисса, цилагу, махъналгу захIматран кьимат бивщуну ччисса зузала бия. Тай шиннардий колхоз укунсса захIматчитурай дарцIуну дия. ЦIана кунмасса хаварчитал бакъая таний. ХIаписатлул махъсса оьрмулул 30 шин даэлий ларгун дур арснал кулпатрачIа. Ва бикIайва арснахь Аьбдуллухь укун тIий: «Лажинни, ттул арс, ва дунияллийгу къуману диркIрача, гьав гьартану дурккун дучча на»,- тIий.
Аьпа бан цал, Аьбдулгу икIайва: « Дадай, на ина сагънура дуччавав»,- тIий. ХIаписатлун цияра хьхьичI арс уччин багьуна. Арс ивкIуну махъ ХIаписатлул тамансса шинну хьунни. Аьбдуллул кулпат хъинну ххуйсса, къуш бан кIулсса, захIмат ххирасса бур. Вайннал дянив арсру ва душру бур, цивппа кунма захIмат ххирасса. Вайгу, цала-цала къушай, чивун бувккун, оьрчIру хъуни буллай, жяматраву бусравну бур.
ХIаписатлул бивкIулул кьурчIишиву кIидачIлай,жижара буллай буру арснал щарнихь, оьрчIал оьрчIахь, душваврахь, гъан-маччаминнахь. Цинявппагу ХIаписатуксса хьуннин битаннав, алжаннул ххари баннав.
ГьунчIукьатIрал, ЦIийшиял, КIямашрал жяматрал цIания Амин Аьбдуллаев
Хъуннасса кьурчIишиву кIидачIлай, жижара буллай буру Читтурдал шяравасса Айманат Къушиевахь, Луиза ХIасановахь, ванил арсурваврахь Артурдухь ва Аьлибаглухь, душнихь Иттахь, вайннал аьзизсса уссу, лас, ппу
Муслим
аьпалул шаврийн бувну.
Имандалий лавгун лякъиннав, алжаннул ххари аннав.
Дустал, даврил уртакьтал, гъан-маччами
ДакIнихтунусса кьурчIишиву кIидачIлай буру Читтурдал шяраваллил язисса чув, шяраваллил агьалинангу, кIулцириннангу хъамакъабитансса хъинбалартту бувсса,
СалихIлул арс ХIасанов Муслим
дунияллия лагаврийн бувну, ванал кулпат Луизащал ва ссу Айманатлущал, цинявппагу гъан-маччанащал ва щалагу Читтурдал жяматращал.
Муслимлул рухI алжаннаву хьуннав, гьаттай нур дизаннав, махъминнал оьрмурдай барачат бишиннав.
Мариян Илиясовал цIанийсса «Дараччи» клуб
