Цавай инсаншиврул ххуллия хIуравагу къашай, цавайннаннив дунияллий цамур ххуллу бушивувагу къабувчIай.
Дагъустттаннал муфти щайх АхIмад Аьбдуллаевлул инжитсса чIуниву дия щалвагу Дагъусттаннал къювугу, буруккингу. Муфти цувагу къашавай хьунни, так ца чурххавун дагьмур азардания бакъар ихтилат, республикалий хъанахъимунил ялувсса буруккинттарал азурда увавриятургу.
Муфтиятрал вакилтал щалвагу Дагъусттаннай мюхтажминначIан дуканмургу, дарурттугу ххилай бивкIунни, ттучаннай дуки- хIачIиялух буржру бувсса инсантурал буржру лавхъунни, сайки циняв районнал агьалинан кумагру бунни. Ва захIматсса ппурттуву агьалинал чIарав бавцIунни, махъругу, пикригу ца бувну. Щайх АхIмадлул ккаккан бунни Дагъусттаннал вирдакIну хъанахъишиву цIакьсса дингу, зунтталчунал адав-инсапгу.
Заннангу, зунтталчунал яхI-къириятрангу кьамулсса къуццу бушиву оьрмулул гьанумур мурадгу. Къювулий бур жулва аьзизсса Дагъусттан хIакьину. Ччяни дази лаганнав, лагь хьуннав къювурду. Дагъусттаннал дакI- ттиликIравусса цIуцIаву дукканнав! Сант дагьну дунура барча дуллай бура Зумаритавал байрангу, хъинмур, ххуймур чивчуну лякъиннав, ххуймунийнсса умудру цIу лаганнав, ялунчIингу зумарду дугьлансса цIуллушиву дулуннав!
Гульшан Хасаева,
М. Илиясовал цIанийсса «Дараччи» фондрал хъунмур
