Дагъусттаннал агьали ва баласса вирусраща ххассал бува тIий, Аллагьнайн лабизлайнувасса ттунгу асар хьунни Аьрасатнал Президент Владимир Путиннущалсса совещаниялийгу,
тара кьини Зумаритавал байран барча дуллай, Дагъусттаннал агьалинахь муфти АхIмад Апаннинал увкумур. Мунал узданшиврия, марцIшиврия хавар буминнан кIулссар му ччимур даражалий дакIнихтуну , сивсуну ва тIайлану ихтилат бувайсса ушиву, халкьуннах хIакьсса ччаву дусса ушиву. Мунал зумувсса гьарцагу махъгу халкьуннай дусса бур.
«Инсантал биччибакъулну къуццу тIий бивкIуннича куну, ва захIматсса ишираву ми цахунма цивппа бичинсса чара бакъассар» — увкунни Аьрасатнал каялучинахь муфтинал. Му калималуву дур Дагъусттаннал агьалинал дуаьгу, агьали буруччин аьркиншиврий чIуручIав дуллалисса тIалавшиннагу. Цинявннал дакIурдиву къумашиву дур хIакьину, инсантал къашай хъанай, оьзрурду хъанахъисса ппурттуву дакIру дакъа бур. Вай чIумуйнусса захIматшивурттур. Диндалул ссурвавращал цачIун батIин къахъанай, онлайн зумуну лахьлай буру жугу цIанакул исламрал элму, таравихI чакругу ичIува буллай. Жунна Зумаритавал байрангу ичIура дуван аьркинни.
Анисат АьбдулатIипова,
Дагъусттаннал исламрал университетрал студентка
ЦIувххуссар
ПатIимат Рамазановал
