[dropcap]М[/dropcap]ихакрангсса мармарчарил чIитIлия шинал дянив Аьрасатнал шяраваллил хозяйствалун 2 миллиард къурушрансса зарал биян бюхъайccар тIий бур Россельхознадзорданул пишакартал.

Ва зиянчи 2017-ку шинал июль зурул цанния шихунмай багьну бур Евразиянал экономикалул союзрал карантиндалул цасса сияхIрайн. Уттигъанну карантиндалул фитосанитариялул ххал бигьавуртту дуллалийни, кIул хьунни ва Абхазнавасса мандариннал партиялуву бивкIшиву.

---

ЧIитIлил ватан США бур. Ва ппив хьуну бур Кьиблалул ва баргъбуккавал Азиянал билаятирттай, Европанаву, Турциянаву, Грузиянаву, Абхазиянаву. ЧIитIлиясса нигьачIаву хъуннасса дур, ванил личIи-личIисса затру дукай­сса душиврийн бувну. КIулну дур чIитIлил зарал биян байсса 100-ннийн дирсса ххяххия. Яла-яла, ванил зарал биян байссар ахъул­ссаннул ва урттул ахъулссаннул культурардан. Мукунма чIитIлил зарал биян байссар перецран, помидорданун, нисвартун, хъюрувран, шагьнал лачIан, соялун. Чан­сса чIитIлилгу биян бан бюхъай­ссар хъунмасса багьлунсса зарал. ЧIитI щусса ахъулссаннуй ва чIапIай аьйрду шайссар, ми кьатI хъанан бикIайссар. Михакрангсса мраморданул чIитI Аьрасатнаву ппив къахьуншиврул Россельхознадзорданул гуж дурссар ва ппив хьусса билаятирттая лавсун букIлакIисса продукциялул ялув бацIаву.

М. Мурсалова,
Россельхознадзорданул
отделданул хъунмур
ХIадур бувссар А.Аьбдуллаевал